Litlu búðirnar | Íslenskt handverk

Bára Þóranna Svavarsdóttir er frá Efri-Mýrum í Húnavatnssýslu en hún flutti ung til Sauðarkróks og hefur búið þar síðan. Bára vann í röska tvo áratugi við saumaskap hjá Saumastofunni Vöku.

„Eftir að ég hætti að vinna hef ég prjónað mikið,“ sagði Bára sem hefur um nokkurt skeið selt handprjónuð ungbarnaföt í versluninni Alþýðulist í Skagafirði og nú hefur hún tekið upp samstarf við Litlu búðirnar.

Bára notar jöfnum höndum Lanet og Sisu garn í prjónaskapinn.

Bára er kona auðug en hún á níu barnabörn og fjögur langömmubörn þegar þetta er ritað vorið 2010 – og fimmta langömmubarnið er væntanlegt í sumar.