Þegar búið er að setja svona hitaplatta á borðið er engu líkara en að þar sé þúfa með lambagrasi. Hitaplattinn er búinn til úr þæfðri ull frá Ytri Bægisá í Öxnadal. Ullin er lögð út í mörgum lögum og brún og græn ull þæfð ofan í gráu ullina. Þæft mjög vel til að mottan verði þétt. Eftir hún er búin að þorna eru blómin saumuð í með fjólubláu einbandi. Þetta er einstök hönnun og hitaplattinn þinn verður aldrei alveg eins og myndinni en afar líkur. Þvermál plattans er ca. 18 cm. Athugið að uppgefið verð er fyrir einn hitaplatta.
