Skíðapeysurnar eru prjónaðar úr léttlopa. "Systir mín hafði samband við mig á milli jóla og nýárs 2008 og bað mig að hanna Ísafjarðarpeysur sem hægt yrði að selja í skíðavikunni sem alltaf er um páskana á Ísafirði. Ég fór strax af stað með hugmyndavinnu og eru þessar peysur útkoma þeirrar vinnu. Munstrið er unnið upp úr hugmynd Jóhanns Torfasonar svila míns og sjá gamlir, glöggir Ísfirðingar fyrir sér skíðalyfturnar sem voru á Seljalandsdal áður en snjóflóðið tók þær," segir Kristín um peysuna. Stærð 1-2 ára: 23 cm upp að höndum og ermar eru 24 cm. Stærð 2-3 ára: 25 cm upp að höndum og ermar eru 25 cm. Stærð 3–4 ára: 27 cm upp að höndum og ermar eru 26 cm.
