Jóhann Már Jóhannsson bóndi í Keflavík í Skagafirði hefur nú gefið út fjórðu einsöngsplötuna. Þessi plata – eða diskur – er nokkuð öðru vísi en þeir sem áður hafa komið út með Jóhanni Má. Platan er unnin í samstarfi við tónlistarmanninn Magnús Kjartansson sem sá um upptökur.
Flugfreyjukórinn syngur með Jóhanni Má í tveimur lögum. Félagar úr Karlakórnum Þröstum syngur líka með í jafnmörgum lögum. Á disknum eru 13 einsöngslög, þar af tvö ný lög eftir Magnús sem Jóhann Már frumflytur. Af öðrum lagahöfundum má nefna Geirmund Valtýsson. Þá eru á honum nokkur erlend lög með nýjum textum eftir m.a. Jónas Friðrik og Birgi Marinónsson og nýtt lag um Hofsós eftir Bjarna Þór Pétursson. Draumalandið eftir Sigfús Einarsson er lokalag plötunnar.
